رواد اعمال

ماعز اللحم والتهجين ومعلومات مهمة عن التربية

ماعز اللحم والتهجين موضوع مهم وهو أكثر موضوع مطروح علي الساحه حاليا .

ولكي نستفيد من تجارب الناس الذين سبقونا بكتير، لأنهم اتخذوا الأسباب العلميه والخبرات المتراكمة ثم نستفيد بتجارب بعض وفي نفس الوقت نختصر الطريق علي ناس كتير منهم من يرغب في الاستفادة والتعلم كي ينتج ويطبق الكلام الذي بيسمعه .

وللأسف عالم الفيسبوك الضلال الذي فيه أكتر من الصواب سواء في المعلومات المتداوله او في المعاملات التجاريه والشخصيه ، والتي تمثل مصيبه كبيره، نقع غالبيتنا بها ا لتي انعكست علي السوق والمربيين والزبائن .

هناك مجموعة من الأشخاص، عي الفيس حاليا يا إما يرتدون ثوب الصلاح والتقوي والسرائر عكس ذلك لكن ده لزوم الشغل يا إما لابسين ثوب المعلمه والصنايعيه ال محصلتش وكل فئه من دي وراها حاشيه وأصدقاء بتسند معاهم .

المتفرج والمبتداء بيقع فريسه لل شو ال بيتعمل وبيكون محبوك ومقنع ويبداء يردد نفس الكلام عن قناعته من فلان الفلاني ال شايف الناس كلها بتشكر فيه ونصيحتي للناس دي مقوله مهمه سمعتها زمان (( اسمع وطنش ولو هاتحدث فتش )) يعني لو ناوي تتكلم وتفيد الناس لازم تقراء كويس وتتحري المعلومه لأنك ممكن واحد مبتدئ يتسوح بعد ماياخد منك معلومه وينفذها ومايلاقيش النتائج ال كان سامع عنها ويبقي ذنبه في رقبتك.

المهم ، كي لانطيل نظرت لان هذا الموضوع زاد عن حده ويحتاج الي وقفه من الاشخاص المحترمه وهما كتير الحمد لله.

ندخل في الموضوع الأساسي وهو إنتاج ماعز اللحم .

وطالما قلنا لحم يبقي لازم نعرف إيه هو مواصفاته علشان من الآخر كدا دي المسطره ال هاتقيس عليها أي كلام من أي حد والمسطره دي مش انا ال حاططها طبعا دي مواصفات الكتاب ال المفروض كلنا نبقي عارفينها علشان نمشي علي نور وتتجنب الفتي والهري الفاضي .

هاقول ببساطه علشان نختصر حيوان لحم يعني :

قوائم قصيره نسبيا مقارنة بالجسم ودي ال بتديك احساس العمق في شكل الحيوان الصور هاتوضح الكلام ده وهاديك معيار سهل جدا لو طبقته وركزت معاه هاتلاقي أغلب المعروض. حتي في الحاجات الحلوه سواء غنم او ماعز مش موجود فيه لما تنظر الجدي من الجنب لو هو مواصفة لحم صح لازم يكون الخط بتاع الصدر مع البطن تحت الكوع بتاع الحيوان مش فوق الكوع يعني لو بصيت ل 95% من الاوسيمي هاتلاقي الصدر فوق الكوع والقوائم طويله ولو بصيت للهلبي مثلا هاتلاقي العكس لو بصيت للزرايبي او الحجازي او كتير من السلالات الباكستاني هاتلاقي نفس الكلام
صدر عريض وعميق وساقط لتحت
ضهر عريض ومليان
فخاد مليانه وسميكه والعضله جايه من تحت يعني مش تلاقي الفخده مشموطه والساق والعرقوب واخدين 60% من طول الفخده
الرقبه مليانه وملفوفه وطولها متناسب مع باقي الجسم يعني مش دماغه راكبه علي كتافه ومش رقبه طويله مثلا زي الحجازي
وفي معيار تاني لكن ده لسا شويه علينا لما نوصله وهي نسبة اللحم للعظم ده ها يخرج حاجات كتير من المعادله يعني الشامي معيز ممتازه لكن عضمها كتير وبتستوي علي وزن كبير ومواصفات الهيكل العظمي مختلفه ونسبة اللحم للعضم في الأوزان الصغيره وحشه
كل ده ليه ؟؟؟
لأن الحيوان ده ربنا خلقه علشان يشيل أكبر كمية لحم ويدي أعلي تصافي وأحسن مواصفات ذبيحه
لو طبقنا الكلام ده هاتلاقي النتائج أحسن وهاتوفر علي نفسك كتير ليه لأنك ساعتها هاتبص علي المعيار مش علي الإسم يعني بور ماشي خليط ماشي سانين لو فيه كدا ماشي سلالات تانيه زي ال kiko,Spanish,savanna,mytonic
كل دي سلالات لحم متخصصه هاتوصلك لهدفك بإذن الله
لكن ماتقوليش مثلا زرايبي مع بلدي او شامي مع بلدي او شامي مع حجازي او شامي مع زرايبي كل دول مفهومش ا أ المعايير دي ممكن تدخل شامي حجم وسط مع سانين او بور او خليط ممكن تدخل سانين مع خليط هايديك نتائج روعه .
الخلاصة علشان نوصل للتكوين ده او قريب منه بمعني اصح لأننا صعب نوصل له حاليا لأن تكوين التيوس عندنا مش زي عندهم .
المهم عايزين نوصل لجديان تكوين لحم صح بغض النظر عن لونها وخصيتها وحلمتها والكلام ده ودا دافع أن ال عنده صفات شكليه مظبوطه يعني اللون والخصيه والكلام ده اتوفر مع التكوين والوزن خير وبركه وهايتميز في سعر البيع .

عبد المالك احمد

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق